 |
| Image credit:- www.ollieshop.co.uk |
ඔහු ඩිස්ලෙක්සියාවේ ගොදුරක් වී තිබුණු හෙයින් අධ්‍යාපනය ඔහුට උරුම නොවීය. ඔහුට නිරන්තර උරුමවූ එකම දෙය වූයේ පාසලේ සිසුන්ගෙන් එල්ල වන උසුළු විසුළු සහ වේදනාකාරී වදන් පමණි. නමුත් ඔහුගේ සිත මේවාට යටත් වීමට සූදානම් නොවීය. අධ්‍යාපනය නොමැති නම් ජීවිතය සාර්ථක කර ගත හැකි වෙනත් ක්‍රමයක් තිබිය යුතුම යැයි ඔහු තරයේ විශ්වාස කළේය.
ඔලීට වයස අවුරුදු 13 වූවා පමණි. ඔහූ සැබැවින්ම කුමක් කළ යුතුදැයි නිශ්චිතවම දැන සිටියේ නැත. නමුත් ඔහු සතු විශ්වාසය අංශු මාත්‍රයකුදු අඩුවූයේද නැත. ඔහුට විහිළු කළ අයට සහ ඔහුගේම ආත්මයට ඔහු යමක් ඔප්පු කර පෙන්විය යුතුව තිබුණි. එබැවින් ඔහු එම සටන ඇරඹුවේය නමුත් දැඩි උනන්දුව හා ආත්ම විශ්වාසය හැරෙන්නට ඔහු සතු දෙයක් නොවීය. ඔහුට කල හැකි පළමු දෙය වූයේ ගෙදර තණකොල කැපීම හා සුරතලාව බලාගැනීමයි. ඉතා කුඩා මුදලක් ඔහුට එයින් සොයාගත හැකි විය. ඔහුගේ මීළග පියවර වූයේ ඔහුගේ පියාගේ අවන්හලේ ඇති කෝපි තැන තැන ගොස් විකිණීමයි. ඔහු කරන්නේ කුමක් වුව උපයන සෑම සතයක්ම ඉතිරි කිරීමට ඔහු වග බලා ගත්තේය. (හොඳම දුරකථනවත් විලාසිතාවත් ඔහුට අවශ්‍ය නොවීය. ඔහුට අවශ්‍යවූ එකම දෙය වූයේ ඔහුගේ ජීවණ අරමුණ සාක්ෂාත් කර ගැනීමයි.)
මෙලෙස කාලය ගෙවීයත්ම ඔහු සතුව තිබූ මුදලින් යමක් කල යුතුයැයි ඔහුට සිතුනි. එය ලොකු මුදලක් නොවන නිසාවෙනුත් ඔහු වයස 13ක කුඩා යෞවනයෙකු වන නිසාවෙනුත් ඔහුට බොහෝ දේ සිතන්නට තිබිණි. කෙසේ හෝ ජීවිතය වෙනස් කරන අදහස ඔහුගේ සිතට අවේය. එය අන්තර්ජාලයේ පිහිටුවන ලඳ වෙලඳසැලකි. ඔලී'ස් ශොප් ලෙස එය නම් කෙරුණු අතර වෙලඳ පොලෙන් හා ඊ-බේ එක හරහා ආනයනය කරන ලද තරුණ තරුණියන්ට ගැලපෙන බොහෝ දේ මෙහිදී මිලදී ගැනීමේ හැකියාව සලසා දෙන්නට ඔලී කටයුතු කලේය. පලමු මාස 6දී පමණක් රුපියල් 506 100ක් පමණ විය. ඔහු සෙවූ සාර්ථකත්වයේ විභවය මෙහි පවතින බව ඔහු වටහා ගත්තේය. එනිසාම වසර 2014දී එනම් ඔහුට වයස 16දී ඔහු ඔහුගේ දෙවන අන්තර්ජාල ව්‍යාපාරය රෙදි පිළි වෙනුවෙන් නිර්මාණය කළ අතර එය චාමෝව් නමින් නම් කළේය.
දැනටම බොහෝ සමාජසේවා වල නියැලෙන ඔලී තව වසර කිහිපයකින් ඔහු මිලියනපතියෙකු වන බව වරක් මාධ්‍යට නොභිවය ප්‍රකාශ කළේය.
ඔලීගේ චරිතයේ විශේෂතා.
ඔහු ඩිස්ලෙක්ෂියාවෙන් පෙළෙන්නෙකි.
ඔහූ පළමු ව්‍යාපාරය ඇරඹුවේ වයස 13දීය.
ඔහු දෛවයට යටවූ හෝ භියවූ අයෙක් නොවේ.
ඔහු සාර්ථකත්වය එනතෙක් බලා සිටින්නෙක්ද නොවේ, හඹායන්නෙකි.
ඔහු බාධක ගැන සිතා ගමන නවත්තන්නෙකුද නොවේ, ඔහු පිළිතුරු සොයන්නෙකි.
තරිඳු කේ. ජයසිංහ (Tharindu K. Jayasinghe)