01)ඔබ අතීතයේ ජයගෙන ඇත.
ඔබ අතීතයේ යමක් ජයගත් මොහොතක්,යමෙකු ඔබට ප්‍රශංසා කල මොහොතක් හෝ ඔබට ඔබ ගැන ආත්ම අභිමානයක් දැනුනු අවස්ථාවක් ගැන සිතන්න. ඒ අවස්ථාවට සිතින් යන්න. එහිදී ඔබේ සිතට දැනුනු හැගීම්, ඔබෙ හදවතේ ගැස්ම වැඩිවූ අයුරු,අන් අය ඔබ දෙස බලා සිටි අයුරු, එවිට ඔබට දැනුනු අභිමානය, ඔබට ඔබ ගැන දැනුනු සතුට සිතින් විඳින්න. ඔබ කෙතරම් නම් ශක්තිමත්ද? ඔබ තුල කෙතරම් නම් විභවයක් පවතීද? ඔබ කෙතරම් නම් විශේෂද?
ඉතින් දැන් ඔබට දැනෙන්නේ ඔබ පරාජිතයෙකු ලෙස වුවත් එය ඔබේ සැබෑ ස්වරූපය නොවේ. ඔබ ජයග්‍රාහකයෙකි, හුදෙක්ම තාවකාලික සෘනාත්මක සිතිවිල්ලකින් ඔබට ඔබෙ සැබෑ ස්වරූපය සඟවා තිබේ. ඉතින් එවන් සිතිවිල්ලකට යටත් වී දිනන්නටම ඉපදුන ඔබ කෙලෙසක නම් පැරදෙම්ද? සෘනාත්මක සිතිවිලි පසෙකලා අලු දූවිලි ගසා නැගිටින්න... ඔබ ඔබ ලෙස... ඔබේ ජීවන අරමුණ පසක් කරනට.
02)ඔබ වටා තවමත් ආදරය සෙනෙහස පවතී.
ඔබ භෞතිකමය වශයෙන් පරාද වන්නට ඇත. නමුත් ඔබ අභ්‍යන්තරයේ තවමත් ඔබ ගෙනා සාර්ථක වීමට ඇති නොනිමි ආශාවත්, දැඩි අධිෂ්ඨානයත්, අප්‍රහිත ධෛර්යයත් ඔබ තුල තවමත් පවතී. ඒ ලෙසම උපතේ සිටම ඔබ ලග සිටින දෙමාපියන්ද, ඔබ ආදරය කරන ඔබට ලෙන්ගතු බොහෝ දෙනෙක්ද ඔබ වටා සිටි. කුමක් නැති උවත් තවමත් ඔබ චිත්ත සන්ථානයේ සතුට පවතී. ඔවුන් හා කතා බස් කිරීමෙන් ඔබ තුල පවතින සෘණාත්මක ආකල්ප අමතක වී සතුටු හැගීම් පිබිදෙනු ඇත. ඔබට යලි ජීවත්වීමේ ආශාව ඇතිවනු ඇත. මනසින් ඇද වැටී සිටි ඔබ යලි ඇරභීමක් ගැන සිතිය යුතු වෙලාව පැමින ඇත. අතීතයේ කල වැරදි, සිදුවූ අතපසුවීම් වලින් උගත් දේද යොදා ගෙන වඩාත් සාර්ථකවූ කාර්යක නියැලීමට තරම් දැන් ඔබ ශක්තිමත්ය.
03)ඔබටත් වඩා අසරණ මිනිසුන් තව ඕනෑ තරම් ඇත.
වට පිටාව ගැන අවධානය යොමු කරන්න. ඔබටත් වඩා අසරණ මිනිසුන් ඔනෑ තරම් තවමත් ජීවත් වෙයි. ඔවුන් හුස්ම ගනියි. ඔවුන් තිබෙන දෙයක් කා කුස පුරවා ගනියි. ඇදුමක් යැයි පැවසීමට තරම් වත් නොවන රෙද්දකින් විළි වසා ගනියි.නමුත් ඔවුන්ද ජීවත් වෙයි. ඉතින් සැබැවින්ම ඔබට නැති වූ දෙයක් නැති තරම් නේද? එසේ නම් තව දුරටත් අතීතය ගැන සිතමින් කල් ගෙවීම අනුවණ කමක්ම වන්නේය. ඉතින් කුමට නම් ලතැවෙන්නේද? කුමට නම් කාලය නාස්ති කරන්නේද? වරක් දෙවරක් තෙවරක් නොව සිය වරක් හෝ සිතා බලා නව සැලැස්මක් සාදන්න. කුඩාවට අරඹන්න ඉවසීමෙන් කටයුතු කරන්න. සාර්ථකත්වය ඔබ කරා නිසැකවම පැමිණෙනු ඇත.
තරිඳු කේ. ජයසිංහ (Tharindu K. Jayasinghe) සම්මථයට ඔබ්බෙන් වූ රැඩිකල් යෞවනයේ හඬ ලොවට කෑ ගසා කියන්නට නිර්මාණය වූ නරක ළමයි විප්ලවයේ නිර්මාතෘ ඔහුය. සිහින, තමන් කැමති දේ කිරීමට ලැබීම සහ යථාර්තය අතර වූ පවුරු බිදිමින් ඔහු මෙන්ම සම වයසේ පසුවන්නන් සමග සිහින යථාර්තයක් කිරීමට සහ එමගින් අසීමිත සතුට සහ අසීමිත සාර්ථකත්වය ලබා ගැනීම තුලින් ජීවිතය විඳවන නොව විඳින තැනක් බවට පත් කිරීමට වෙහෙස වන තරිඳු මානව සම්බන්ඳතා තම ජීවිතයේ මූලිකම දෙය ලෙස විශ්වාස කරයි.